Kobulda portlash, qurbonlar ko‘p

Afg‘oniston poytaxti Kobulda xudkush terrorchi hujum uyushtirdi. Terakt oqibatida halok bo‘lganlar soni 13 kishiga yetdi, 50 dan ortiq inson jabrlandi. Bu haqda Tolo News telekanali mamlakat Sog‘liqni saqlash vazirligiga tayangan holda xabar bermoqda.

Bundan avval turli OAV 10 kishi halok bo‘lgani va 20 inson jabrlangani haqida xabarlar tarqatdi.

Portlash payshanba kuni shahar g‘arbidagi masjidlardan birining yonida sodir bo‘ldi. Hujumdan ko‘zlangan maqsad, dastlabki ma'lumotlarga ko‘ra, mahalliy axborot agentligi bo‘lgan. Portlovchi qurilma, ehtimol, xudkush terrorchi tomonidan harakatga keltirildi. Keyinchalik ikkinchi portlash haqida xabarlar tarqaldi. OAV ma'lumotlariga ko‘ra, hujum madaniy markazga qarshi yo‘naltirilgan bo‘lgan.