Samsung kompaniyasi o‘zining yangi flagman smartfoni Galaxy S8’ni 15 aprelda savdoga chiqarmoqchi. Bu haqda Janubiy Koreya OAVga iqtibos keltirgan holda International Business Times nashri xabar bermoqda.
Yangi smartfon taqdimoti avval taxmin qilingandek, Barselonadagi Mobile World Congress ko‘rgazmasi doirasida emas, balki 29 mart kuni bo‘lib o‘tadi.
Qurilma ikki variantda – 5,7 va 6,2 dyuymli diagonal bilan taklif qilinadi. Ikkala model ham bosish kuchini farqlaydigan cheti egilgan ekranlar bilan jihozlanadi.
Taxmin qilinishicha, smartfonning narxi 849 dollarni tashkil qiladi.
