Ilhom Aliyev o‘z turmush o‘rtog‘ini birinchi vitse-prezident etib tayinladi

Ozarboyjon prezidenti Ilhom Aliyev o‘zining turmush o‘rtog‘i Mehribon Aliyevani respublikaning birinchi vitse-prezidenti etib tayinladi. Bu haqida davlat rahbarining matbuot xizmati xabar berdi. 

Mamlakat konstitutsiyasiga ko‘ra, davlat rahbari o‘z majburiyatlarini bajara olmay qolgan taqdirda prezident vakolatlari birinchi vitse-prezidentga o‘tadi.  

O‘tgan yilning sentabrida Ozarboyjonda konstitutsiyaga o‘zgarishlar kiritishga doir referendum bo‘lib o‘tdi. Boshqa vakolatlar bilan bir qatorda prezident vakolatlari muddati 5 yildan 7 yilga uzaytirildi, vitse-prezidentlar lavozimlari joriy qilindi, davlat rahbari lavozimiga nomzodlarga nisbatan yoshga doir cheklovlar bekor qilindi. Aliyeva tayinlangunga qadar birinchi vitse-prezident lavozimi bo‘sh bo‘lgan.