GM Uzbekistan AJ o‘zi ishlab chiqarayotgan avtomobillarini O‘zbekiston hududida to‘liq milliy valyutada sota boshlaydi. Kompaniya rahbariyati O‘zbekiston Prezidentining «Valyuta siyosatini liberallashtirish bo‘yicha birlamchi chora-tadbirlar to‘g‘risida»gi PF-5177 sonli farmoni ijrosi yuzasidan shunday qaror qabul qilgan. Kompaniya o‘z saytida shu haqda ma'lum qilmoqda.
Avtomobil narxlari 2017 yil 4 sentabrgacha Markaziy bankning dollarga nisbatan kursi bo‘yicha belgilangan qiymati mutanosib ravishda qayd qilingan. 5 sentabrdan Markaziy bank tomonidan dollar kursi 8100 so‘mligi e'tiborga olinsa, avtomobillarning dollardagi qiymati tushganiga guvoh bo‘lish mumkin.
Endilikda,
Spark LT A/T rusumli avtomobil narxi 9.143,73 AQSh dollariga teng.
Nexia 3 LTZ A/T - 10.614,76 (AQSh dollari);
Cobalt LTZ A/T 11.997,93; Lacetti CDX A/T 15.247,70;
Orlando LTZ A/T 16.816,97;
Malibu 2 LT A/T 28.571,64
va Captiva LT A/T 28.377,76 AQSh dollariga teng.
