19:52 / 06.06.2017
32446

Qatarliklar sarosimada oziq-ovqat mahsulotlarini g‘amlab qo‘yishmoqda

Bir qator arab davlatlari Qatar bilan diplomatik aloqalarni uzganidan keyin qatarliklar do‘konlardan katta miqdorda oziq-ovqat mahsulotlarini xarid qilishga tushib ketishdi. "Supermarketlarda sut, guruch, tuxum, tovuq go‘shti katta miqdorda sotib olinmoqda. Oziq-ovqat mahsulotlari mashinalarga bosib olib ketilmoqda", deb ma'lum qilmoqda mahalliy OAV. Qatar 90 foiz oziq-ovqat mahsulotlarini import qiladi. Import qilinuvchi oziq-ovqat mahsulotlarining katta qismi hozirda yopib qo‘yilgan Saudiya Arabistoni chegarasi orqali yetkaziladi. Eron bunday vaziyatda O‘rmuz bo‘g‘ozi orqali Qatarga oziq-ovqat mahsulotlari yetkazib berishga tayyorligini ma'lum qilgan.  

Ijtimoiy tarmoqlarda do‘konlardagi katta navbatlar, liq to‘la aravachalar va bo‘shab qolgan peshtaxtalar suratlari chop etildi.

@shalome05/AP

Saudiya Arabistoni bilan chegara Qatarning quruqlikdagi yagona chegarasi hisoblanadi. 2,2 mln lik aholiga ega davlat birinchi navbatda Fors ko‘rfazi davlatlaridan yetkaziluvchi oziq-ovqat mahsulotlari importiga kuchli bog‘langan. 2015 yilda Qatarning Saudiya Arabistonining o‘zidan import qilgan oziq-ovqat mahsulotlari hajmi 896 mln dollarni tashkil qilgan. 2014 yilda Qatar oziq-ovqat xavfsizligi milliy dasturini qabul qilgan. Unga ko‘ra, mamlakatda oziq-ovqat mahsulotlari importini kamaytirish va mamlakatda ularni ishlab chiqarish hajmini oshirish nazarda tutilgan. Dasturga ko‘ra, 2030 yilga kelib Qatar oziq-ovqat mahsulotlariga ehtiyojining 40 foizini mahalliy ishlab chiqaruvchilar hisobiga qondirmoqchi.   

news.abs-cbn.com

5 iyun kuni ertalab birvarakayiga 4 arab davlati – Saudiya Arabistoni, BAA, Bahrayn va Misr Qatar bilan diplomatik aloqalarni uzishini e'lon qildi. Bunga esa Dohaning mintaqadagi terrorchilik guruhlarini qo‘llab-quvvatlashi sabab qilib ko‘rsatilgan. Keyinroq Doha bilan aloqalarni uzgan davlatlar qatoriga Yaman, Maldiv Respublikasi, Liviyaning muvaqqat hukumati va Mavrikiy qo‘shilgan.  

@shalome05/AP
news.abs-cbn.com
 AP
Zab Mustefa/twitter.com
@shalome05/AP
Zab Mustefa/twitter.com
AP
@shalome05/AP
Mavzu
Fors ko‘rfazi inqirozi
Fors ko‘rfazida jiddiy siyosiy inqiroz yuzaga keldi. Saudiya Arabistoni, Misr, Bahrayn, BAA, Yaman, Liviya va Maldiv boshqa bir arab davlati Qatar bilan diplomatik aloqalarni uzdi. Bunga Qatar Eronni va terrorizmni qo‘llagani sabab sifatida ko‘rsatilmoqda.
Barchasi
Top