«Pisma o Tashkente» saytida Moskvadagi Islom Karimov nomli xiyobonning 2017 yil fevralida olingan fotolari chop etildi.
O‘tgan yil kuzida Moskvadagi konsulxona yaqinida joylashgan nomsiz xiyobonga Islom Karimov nomini berishni so‘rab, shahar rahbariyatiga Rossiya va O‘zbekiston fan, siyosat va san'at arboblari murojaat qilgandi.
2016 yil 1 noyabr kuni Moskva hukumati prezidiumi Rossiya poytaxtining Yakimanka hududidagi xiyobonga O‘zbekistonning Birinchi Prezidenti Islom Karimov nomini berish to‘g‘risida qaror qabul qildi.
Xiyobon O‘zbekiston konsullik bo‘limi va mehmonlar uyi yaqinida joylashgan.
Ilk ikki suratda Bolshaya Polyanka ko‘chasi tomondan manzarani ko‘rish mumkin. Orqa tomondagi baland yorug‘-kulrang bino — O‘zbekistonning Rossiyadagi elchixonasi mehmonlar uyi.
