Foto: Prezident matbuot xizmati
Bugun, 9 fevral kuni O‘zbekiston Respublikasi Prezidenti Shavkat Mirziyoyev Toshkent shahrida amalga oshirilayotgan bunyodkorlik ishlari, ijtimoiy-iqtisodiy loyihalar bilan tanishish, xalq bilan muloqot qilish maqsadida poytaxtning bir necha tumanlarida bo‘ladi.
«Kun.uz» manbasi ma'lumotiga ko‘ra, prezident Yunusobod va Sergeli tumanlariga borishi, metropoliten qurilishini davom ettirish jarayoni bilan tanishishi kutilmoqda. Shuningdek, Chilonzor va Yashnobod tumanlaridagi loyihalar ko‘zdan kechirilishi mumkin.
Ayni vaqtda shaharda prezident tashrifiga barcha tayyorgarliklar ko‘rilgan.
