Kanadalik milliarder va uning rafiqasi o‘z uylarida jonsiz holda topildi

Kanadalik milliarder, Apotex farmatsevtik kompaniyasi asoschisi Barri Sherman rafiqasi bilan Torontodagi uylari yerto‘lasida o‘lik holda topildilar. Bu haqda 15 dekabrda The Globe and Mail nashri xabar berdi.  

Ta'kidlanishicha, politsiyada qotillik versiyasi rasman qaralmayapti, biroq voqea “shubhali holat” sifatida tergov qilinmoqda. Politsiyada marhumlar tanalarida biror-bir jarohat izlari, uyga buzib kirish alomatlari bor-yo‘qligi ma'lum qilinmagan.

Ta'kidlanishicha, Torontoning nufuzli tumanida joylashgan Shermanlar uyi yaqinda 7 mln dollarga sotuvga qo‘yilgan, biroq juftlik o‘lgani haqidagi yangiliklar paydo bo‘lgandan keyin e'lon olib tashlangan. 

Sherman 75 yoshda, uning rafiqasi 70 yoshda bo‘lgan. U 1974 yilda Kanadada eng yirik farmatsevtik kompaniyaga aylangan Apotex kompaniyasiga asos solgan. Shermanning boyligi 3,65 mlrd dollarga baholangan, u Kanadaning eng boy odamlari ro‘yxatida 15-o‘rinni egallagan.