Samsung kompaniyasi Tizen operatsion tizimida ishlovchi Z3 ishlab chiqarishga tayyorlanmoqda. Bu haqda Tizen Experts portali xabar bermoqda.
Texnik nuqtai nazardan qurilma Android’da ishlaydigan Galaxy Core Prime smartfoniga yaqin turadi. U 5 dyuymli displeyga, 64 bitli arxitekturada ishlangan 1.3 GGts quvvatli Qualcomm Snapdragon 410 to‘rt yadroli protsessorga, 5 Mp kamera va 2000 mA/soat quvvatli akkumulyatorga ega bo‘ladi.
Z3 2015 yilning ikkinchi yarmida taqdim etilishi kutilmoqda. Ayni paytda Tizen operatsion tizimi faqatgina joriy yilning yanvarida taqdim etilgan Samsung Z1 smartfonlarida ishlaydi.