Ёш жуфтлик меҳмонхона бутунлай олов ичида қолганида суратга тушишган. «Инстаграм»да уни «Янги йил билан, қимматли Дубай» изоҳи билан жойлаштиришган.
Биринчи изоҳ қолдирган фойдаланувчи бу интернетдаги энг ноўрин селфи бўлганини айтган. Бошқа фойдаланувчилар эса, суратни дарҳол ўчириб ташлашни талаб қилишган.
Айни вақтда «Твиттер»да селфи ихлосмандлари уларни «2016 йилнинг биринчи тентаклари» деб номлашган. Уларнинг бу қилган ишини уятга йўйишган.
Эслатиб ўтамиз, 31 декабрь куни БААнинг Дубай шаҳрида жойлашган Address Downtown меҳмонхонасида катта ёнғин келиб чиққан эди.