АҚШнинг 99 ёшли миллиардери Дэвид Рокфеллер олтинчи марта муваффақият билан юрак кўчириш амалиётидан ўтди.
World News Daily Report нашрининг маълум қилишича, жарроҳлик амалиёти миллиардернинг Нью-Йоркдаги уйида ўтказилган бўлиб, олти соат давом этган. Амалиётдан 36 соат ўтгач, Рокфеллер журналистлар билан мулоқот қилди.
“Ҳар сафар юрагимни алмаштирганимда ҳаёт нафаси танамдан ўтгандай бўлади. Мен куч ва ҳаётни ҳис қиламан”, - деб таъкидлади у.
Унинг фикрича, узоқ умр кўришнинг асосий сири ҳаётга бўлган муҳаббатдадир. У ҳазил тариқасида 200 ёшгача яшамоқчи эканлигини қўшиб қўйди.
