Kun.uz: Буюк Британия тахти вориси шаҳзода Уильям ва Кембриж герцогинаси ҳисобланадиган Кейт Миддлтон оиласида янги қиз чақалоқ дунёга келди. Бу ҳақда Кенсингтон саройининг расмий твиттери
маълум қилди.
Хабар қилинишича қизчанинг вазни 3,7 кг бўлди.
Қайд қилинишича, шаҳзода Уильям туғруқ вақтида маликанинг ёнида бўлган.
Ҳозирда она ва боланинг аҳволи яхши экани айтилмоқда.
Бу маълумотни қиролича Элизавета II, Эдинбург герцоги, Уэьлс шаҳзодаси, шаҳзода Гарри ва қироллик хонадонининг бошқа аъзолари тасдиқлашган.
Малика ўзининг иккинчи фарзандини Лондоннинг Авлиё Мария шифохонасининг Lindo Wing хусусий клиникасидан икки милдан камроқ масофада жойлашган Кенсингтон саройида дунёга келтирди. Бу клиникада жуфтликнинг биринчи фарзанди Жорж туғилган. Бир неча ҳафта олдин шифохонанинг чап қисмида машиналар тўхташи тақиқлаб қўйилди ҳамда телекамералар ва фотосуратчилар учун жойлар тақсимланиб, чизиқлар тортиб чиқилди.
Шунингдек, ОАВ вакиллари учун махсус тўсиқлар ўрнатилди. Яна иккита британ шифохонаси – Редингдаги Royal Berkshire ва Кингс-Линндаги Queen Elizabeth шифохоналари чақалоқни қабул қилиш учун тўлиқ тайёргарлик ҳолатига келтирилди.
