Себзорда қурилаётган кўприк байкер ва роллерлар учун мос жой бўлиши тахмин қилинмоқда
Kun.uz: Тошкентнинг Шайҳонтоҳур ва Юнусобод туманларини боғловчи кўприк қурилиш ишлари якунланиш арафасида турибди.
Бироз олдинроқ, Себзор кўприги 9 май куни, очилиши ҳақида хабар қилинганди.
Фейсбук тармоғидаги "Потребители" гуруҳида пойтахт аҳолиси вакиллари шу кўприк ҳақидаги мулоҳазаларини билдиришди.
"Бу жой одамларнинг истироҳат олиши учун ажойиб жой бўлади. Бундай кенг кўприк устида кечки сайрга чиқиш, ҳатто теннис ва футбол ўйнаш ҳам мумкин. Шунингдек, бу кўприк байкер ва роллерлар учун кўнгилдагидек жой бўлади", деб ёзади бу кўприк бўйлаб илк саёҳатини амалга ошириб бўлган интернет фойдаланувчиларидан бири.