Россия Думаси қўмита бошлиғи: Советлар берган 500 минг қурбонсиз Польша мавжуд бўлмас эди
Kun.uz: Россия Давлат Думасининг халқаро қўмитаси раҳбари Алексей Пушковнинг фикрича, собиқ Совет Иттифоқи ва унинг ҳарбийлари туфайли бугунги кунда Польша давлати мавжуд. Бу ҳақда у ўзининг Твиттердаги саҳифасида маълум қилди.
“Польша президенти Коморовский билиб қўйсинки, мамлакатимиз томонидан Польшани озод қилиш учун берилган 500 минг жонсиз бу давлат бўлмас эди. Гитлер уни кўзда тутмаган эди”, - деб ёзган сиёсатчи.
Илгарироқ Польша президенти Бронислав Коморовский 9 май куни Москвада Ғалаба парадининг ўтказилиши “нотинч замон”дан далолат беришини маълум қилган эди.