Ўзбекистонда Google корпорацияси Тайваннинг HTC компанияси билан ҳамкорликда ишлаб чиққан Nexus 9 планшети савдолари бошланди. Mobinfo.uz’нинг хабар беришича, қурилманинг халқаро тақдимоти 2014 йил октябрида бўлиб ўтганди.
Android 5.0 Lollipop операцион тизими остида ишлайдиган планшет Тошкентдаги “Флешка” (“Малика”) технобозорида 2,6 миллион сўмдан сотувга чиққан.
Маълумот учун, техник кўрсаткичлари бўйича, Nexus 9 бозордаги энг кучли планшетлардан биридир. У 8,9 дюймли дисплей, 4 ядроли Nvidia Tegra K1 чипи, Kepler DX1 графикаси, 8 мегапикселли асосий ва 1,6 мегапикселли олд камера, қуввати 6700 мАс га тенг аккумлятор билан таъминланган.