Тошкентда “Шунқорлар” фильми ижодкорлари иштирокида матбуот анжумани бўлиб ўтди. Бу ҳақда ЎзА хабар бермоқда.
“Шунқорлар” фильмида Ўзбекистонда навқирон авлоднинг сифатли таълим-тарбия олиши учун яратилаётган шароитлар ҳамда бунинг самарасида ўзбекистонлик ёшлар қўлга киритаётган ютуқлар ҳақида ҳикоя қилинади.
Фильм сценарийси муаллифи Элмира Ҳасанова, режиссёр – Умид Ҳамдамов, оператор – Умид Маликов. Асосий ролларни Маҳфуза Боботиллаева, Беҳзод Ҳамроев, Тоҳир Саидов сингари таниқли актёрлар билан бирга Суръат Исломов, Нигина Анорбоева, Фотиҳ Насимов, Шаҳноза Абдумаликова каби ёшлар ижро этган.