Нью-Йорк яқинидаги атом электр станциясида кичик ёнғин келиб чиқди. Ҳукумат вакилларининг таъкидлашича, аҳоли учун хавф-хатар туғилмаган.
Расмий маълумотга кўра, Нью-Йорк штатидаги Бьюканан шаҳридаги Indian Point атом электр станциясининг трансформаторларидан бири портлаб кетган. Қора тутунни кўрган аҳоли дарҳол қутқарувчилар хизматига қўнғироқ қилган.
Атом станциясининг учинчи энергия блоки ёпиб қўйилган.
Станция раҳбарининг эътироф этишича, портлаш ва ёнғин реактор ишига таъсир кўрсатмаган.
