Покистоннинг жанубида жойлашган Карачи шаҳрида автобус ўққа тутилиши оқибатида камида 41 киши ҳалок бўлди ва яна 20 киши яраланди. Бу ҳақда маҳаллий полицияга иқтибос келтирган ҳолда DAWN нашри хабар берди.
“Камида 6 нафар қуролланган шахс Карачининг Сафур Готх туманида автобусга ҳужум уюштирди”, деб маълум қилмоқда полиция вакили.
Қайд этилишича, ҳужум пайтида автобусда 50 нафардан 60 нафаргача йўловчи бўлган.
Автобусга ҳужум уюштирган жиноятчилар беркинишган.