КХДР мудофаа вазири Хён Ён Чхоль Москвада бўлиб ўтган конференцияда иштирок этганидан сўнг қатл қилиниши экспертларнинг шубҳа-гумонларига сабаб бўлмоқда. Бу ҳақда The Financial Times нашрида ёзилди.
Нашрда таъкидланишича, Хён Ён конференциядан қайтгач, Ким Чен Ин Москвага сафарини бекор қилган.
“Мудофаа вазири Россиядан ракета қуроли ва асбоб-ускуналарини сотиб олишга ҳаракат қилган, аммо бунинг уддасидан чиқа олмаган. Шу туфайли Ким Чен Ин 9 май куни Москвага бориш фикридан қайтган”, – деб ёзади нашр колумнисти.
Эслатиб ўтамиз, чоршанба куни мамлакат мудофаа вазири давлатга хиёнатда айбланиб қатл қилингани маълум бўлди. Айтилишича, у ҳарбий тадбир чоғида давлат раҳбарининг топшириқларини бажара олмагани туфайли Пхеньяндаги ҳарбий ўқув юртида зенит тўпидан отилган. Энди эса бу қатлга унинг Москвадаги дипломатик мағлубияти сабаб бўлгани даъво қилинмоқда.