“Жамоатчилик назорати” гуруҳи иштирокчиларидан биридан гуруҳга Яккасарой туманидаги 91-мактабда ўқувчиларнинг ота-оналаридан асоссиз равишда пул йиғилаётгани ҳақида шикоят келиб тушди.
Аёлнинг айтишича, мактабда таълим муассасаси “эҳтиёжлари”га пул йиғиш ҳолатлари кўпайиб кетди. Аёл ўзининг гапларининг исботи сифатида мактаб ўқувчилар ва уларнинг ота-оналаридан нима мақсадларда пул йиғилаётгани кўрсатилган рўйхатни келтириб ўтди:
1. Мактабни таъмирлаш учун ҳар бир ўқувчидан 35 минг сўмдан (ўртача ҳар бир синфда 35-40 та ўқувчи бор).
2. 1-синфнинг битирув имтиҳонига ҳар бир ўқувчидан 25 минг сўмдан.
3. Бундан ташқари, ҳар ойда мактаб фонди учун ҳар бир боладан 15 минг сўмдан.
4. 1-синф ўқувчилари битирув оқшомига ҳар бир боладан 40 минг сўмдан пул йиғилмоқда
Юқорида келтирилган барча пуллар 1-синф ўқувчиларидан талаб қилинаётгани айтилмоқда.
UZ24 ахборот портали таҳририяти Халқ таълими вазирлигига ушбу ҳолатни текшириш ва унга изоҳ беришни сўраб мактуб жўнатган.