Англиянинг Эссекс графлигидаги Дагенем шаҳрида истиқомат қилувчи Жейсон Бринклет Гиннесс рекордлари китобига кираман деб шифохонага тушиб қолди. The Daily Mirror нашрининг ёзишича, 44 ёшли эркак дунёдаги энг узоқ вақт барабан уриш бўйича рекорд ўрнатган.
Маълум бўлишича, у 12 соат 5 дақиқа 5 секунд давомида барабан чалиб турган. Рекорд ўрнатилган заҳоти Бринклет қўлларини сезмаётганини маълум қилган. Шифокорлар унинг қўллари жароҳатланганини аниқлаганлар. Кейинчалик рекордсмен 8 соатлик чолғудан сўнг оғриқни ҳис қилганини, аммо рекорд ўрнатиш учун тўхтамаганини айтди.
Ундан илгари бу йўналишда филиппинлик Жастин Даниэль Арде 2013 йилда 12 соат 3 секунд натижа билан рекорд ўрнатган эди.
