ФИФА президентлиги учун курашаётган Иордания шаҳзодаси Али бин Ол Ҳуссайн агар у президентликка сайланадиган бўлса, Жаҳон чемпионати иштирокчилари сонини кўпайтиришини айтиб ўтди.
"Мен ФИФА президенти бўладиган бўлсам, Жаҳон чемпионати иштирокчилари сонини 36тага етказаман. Бу ишни Россияда бўлиб ўтадиган Жаҳон чемпионатидаёқ амалга оширишга ваъда бераман", - дейди Али бин Ол Ҳуссайн матбуот анжуманида.
Аввалроқ, ФИФА президентлиги учун икки нафар номзод Луиш Фигу ва Майкл ван Праг сайловдан олдин ўз номзодларини қайтариб олишгани хабар қилинганди.