“Реал” жамоасининг бош мураббийи Карло Анчелотти соғлиғи туфайли бир йил муддатга футболдан чиқиб кетиши мумкинлигини айтди.
“Мен буни илгари ҳам айтгандим, яна такрорлайман: бир йиллик танаффус олмоқчиман, ва бунга арзирли сабабим бор”, – деди у журналистлар билан мулоқот чоғида.
“Мен орқа мия канали сиқилиши туфайли тиббий муолажага муҳтожман. Бу туфайли қўлларим титрайди, титроқ оёқларимга ўтишини кутиб ўтирмаслик керак. Шу боис мен жарроҳлик амалиётини режалаштириб бўлганман”, – қўшимча қилди у.
Таъкидланишича, амалиёт Ванкуверда ўтказилади.
Шунингдек, 55 ёшли мутахассис фақатгина “Реал” томонидан ишдан бўшатилган тақдирдагина жарроҳлик столига ётиши маълум қилинмоқда.