Ҳиндистонда ҳукм сураётган иссиқ ҳароратнинг қурбонлари сони 1826 кишига етди, деб хабар бермоқда 29 май куни Times of India нашри.
27 майдан бери мамлакатнинг жанубий штатлари Андхра-Прадеше ва Теланганеда 414 киши ҳалок бўлган.
Охирги маълумотларга кўра, Андхра-Прадешда 1334 киши, Теланганеда 440 киши, яна 43 киши Одиша штатида, Гужарoтда 7 киши ва Нью-Деҳлида 2 киши ҳалок бўлган.
Иссиқ об-ҳаво яна бир қатор штатлар – Панжоб, Хариан, Уттар-Прадеш ва Ражастонда ҳам кузатилмоқда. Ҳимолой ён бағирлари ва Ҳимачал-Прадеш штатида 43,2 градуслик ҳарорат қайд этилди.
40 градусдан юқори бўлган об-ҳаво ҳарорати йилнинг бу вақтида Ҳиндистоннинг аксарият қисми учун хос бўлиб, ҳудудларга қараб март ойидан июнь ойигача об-ҳаво қуруқ келади, сўнгра ёмғирлар мавсуми билан алмашади. Апрель ва май ойлари энг иссиқ ва қуруқ ойлар ҳисобланади.