АҚШнинг Луизиана штати губернатори Бобби Жиндал 24 июнда мамлакат президентлиги учун курашишини эълон қилади. Бу ҳақда NBC телеканали хабар бермоқда.
Губернатор ўз номзодини Республикачилар партиясидан илгари суриши айтилмоқда. Жиндал Ҳиндистондан келган муҳожирлар оиласида туғилган бўлиб, консерватив ғоялар тарафдори ҳисобланади. У шунингдек, қурол олиб юрилишини чеклашга қарши.
Май ойида губернатор президент сайловида иштирок этиши бўйича қўмита ташкил этган эди.