Glide жамғармаси томонидан АҚШлик миллиардер Уоррен Баффет билан тушлик қилиш ҳуқуқини қўлга киритиш учун 16-маротаба ўтказилаётган аукцион бир кундан камроқ вақт ичида 1 млн долларга йиғишга муваффақ бўлди, деб хабар бермоқда Moneycontrol.com портали.
“Биз жуда хурсандмиз. Албатта, ставкани 1 млн доллардан кўпроққа кўтаришни истаган эдик, бироқ бунчалик тез пул тўпланиши биз учун сюрприз бўлди”, деб айтмоқда Glide жамғармаси асосчиси Сесил Уиллиамс.
Бу йили аукцион ғолиби Манхэттандаги Smith & Wollensky ресторанига ўзининг 7 нафар дўстини таклиф қилиши мумкин.
Аввалги 15та аукциондан йиғилган умумий маблағ 17,8 млн долларни ташкил қилади. Жумладан, 2012 йилда номаълум шахс томонидан рекорд даражадаги 3,456789 млн доллар таклиф қилинган эди.
Ўтган йили аукцион ғолиби сингапурлик Энди Чуа бўлган эди, у Баффет билан тушлик қилиш учун 2,166766 млн доллардан воз кечишига тўғри келган.
Камбағаллар ва бошпанасизларга ёрдам бериш учун маблағлар йиғиладиган Glide хайрия аукциони 31 майдан 5 июнгача eBay онлайн-аукционида бўлиб ўтади.