Голливуднинг машҳур актёри Уилл Смитнинг 14 ёшли қизи Уиллоу Смит Marc Jacobs брендининг юзига айланди. Уиллоу кузги-қишки кампанияда иштирок этиши ҳақида дизайнер Марк Жейкобс ўзининг инстаграмида маълум қилди.
Модельернинг айтишича, у доимо уни илҳомлантирувчи одамлар билан ишлашни афзал кўрган. Жейкобс Уиллоуни истеъдодли, замонавий ва гўзал деб атади.
Жейкобс аввал бирга ҳамкорлик қилган машҳур инсонлар ҳақида сўзлаб ўтди ва чирой, замонавийлик ва истеъдод “ёш нималигини билмаслигини” айтган. Бир ҳафта олдин Marc Jacobs янги кампаниясининг яна бир иштирокчиси сифатида қўшиқчи Шер танланган эди.
Аввалроқ актёр Жонни Депп Dior брендининг янги юзи деб аталган.