Наманганнинг Чортоқ туманида истиқомат қилувчи тўрт нафар йигит катта миқдордаги хорижий валютани қўшни Қирғизистонга олиб ўтмоқчи бўлганда қўлга тушишди. Бу ҳақда “Ҳуқуқ” газетаси хабар бермоқда.
Келтирилишича, киракашлик билан шуғулланиб юрган Азамат таниши Иброҳимнинг бешта қора полиэтилен пакетга ўралиб, устидан скотчланган қутини Ҳазратишоҳ қишлоғига олиб бориб бериш ҳақидаги таклифига кўнган. У ерда йигитларни Ботир ва Хошим исмли шахслар кутиб олган. Сўнг гуруҳ Қирғизистон чегарасидаги Турк қишлоғига йўл олишган. Аммо уларнинг хатти-ҳаракатларини пайқаган чегара пости хизматчилари гуруҳни қўлга олган.
Аниқланишича, қутиларда 1 млрд 835 млн 990 минг сўмдан ортиқ қийматга эга 844 минг 545 АҚШ доллари бўлган. Бу маблағ ашёвий далил сифатида олиб қўйилган.
