Қозоғистоннинг Оқмўла вилоятида жойлашган Биртабан кўлида Ўзбекистон фуқароси чўкиб кетди. Новости-Казахстан ахборот агентлигининг фавқулодда вазиятлар вилоят бошқармаси матбуот хизматига таяниб маълум қилишича, қидирув ишлари давом этмоқда.
Воқеа 10 июнь куни маҳаллий вақт билан соат 22:00да Қўрғалжин туманида содир бўлган. Чўкиб кетган кишининг шахси аниқланган. У 1984 йили Қашқадарёнинг Яккабоғ туманида туғилган Туропов Соатжон бўлгани айтилмоқда.
