Украина ОАВлари кесатиқ билан Киев мэри, бокс бўйича собиқ жаҳон чемпиони Виталий Кличкони "сўзамоллиги" учун Нобель мукофотига номзодини қўйишни ёки мэрни Нобель мукофотларини тақдим қилиш учун нутқ ёзиб беришда Нобель қўмитасига ёрдам беришга юборишни таклиф этишди.
“Бир бокс мақолида айтилганидек, баъзида егандан кўра, берган яхшироқ. Виталий Кличконинг "сўзамоллиги" Стокгольмда, машҳур Нобель қўмитасида асқотиши мумкин. Виталий, мисол учун, адабиёт бўйича бериладиган мукофотлар учун нутқ ёзиб бериши мумкин бўларди” деб кесатиқ билан айтмоқда Украина нашрларидан бири.
Виталий Кличко ўзининг Киев мэри лавозимида, биринчи навбатда “ноёб сўзамоллиги” билан донг қозонган. Бундай кўп миқдордаги хато ва янглиш айтилган гаплар билан ундан олдинги ҳеч қайси бир мэр “мақтана олмаса” керак. Айниқса халк орасида унинг “Бугун эртанги кунга ҳамма ҳам қарай олмайди. Тўғрироғи, нафақат фақатгина ҳамма қарай олади, кам одам буни қила олади” (“А сегодня в завтрашний день не все могут смотреть. Вернее, смотреть могут не только лишь все, мало кто может это делать”) ва “Украина орқасидан фахр билан кўкрагимни қалқон қила оламан” (“Гордо встану грудью за спиной Украины”) каби чалкаш гаплари “машҳур” бўлиб кетган.