Самарқанд шаҳридан Тошкентга ташриф буюрган фуқаро, ишсиз Р. Зафар пул топиш мақсадида Сирғали туманидаги хонадонларга ташриф буюриб, ўзини “электр тармоғидан” деб таништириб, пул тўплаб юрган. Бу ҳақда “Огоҳ” газетаси хабар бермоқда.
Маълум қилинишича, бир сафар Зафар уйлардан бирида ўрнатилган электр ҳисоблагични кўздан кечириб, турли баҳоналар билан уй эгасига “жарима солган” ва 432 минг сўм пул ундирган. Аммо квитанцияни сохталаштириб, бошқа шахс номидан банкка 12 минг сўм топширган, қолган пулларни эса ўзлаштириб юборган.
Пуллар тегишли манзилга етиб бормаганини пайқаган уй эгаси тегишли идораларга мурожаат қилган. Ҳуқуқбузар тез орада қўлга олинган.
