Россия Тергов қўмитаси шу тариқа АҚШнинг Россияда футбол бўйича 2018 йилги Жаҳон чемпионатини ўтказишга таъсир қилишга уринишларига кинояли тарзда жавоб берди.
Россия Тергов қўмитаси америкалик фазогирларнинг 1969 ва 1972 йилларда Ойга қўйганларини шубҳа остига қўйди. Тергов қўмитаси АҚШнинг футбол сиёсатига аралашувига шундай кинояли санчиқ билан жавоб берди. Бу ҳақда “Известия” нашри хабар бермоқда.
Россия Тергов қўмитасининг расмий вакили Владимир Маркин америкалик фазогирларнинг Ойга парвозлари ёзилган йўқолиб қолган киноплёнкани топишда АҚШга ёрдам беришни таклиф қилди.
“Фазогирлар томонидан Ойда олинган плёнка қаерга йўқолиб қолгани ёки 400 кг га яқин Ой тупроғининг қаерга беркитилгани ва бошқа ҳеч кимга кўрсатилмагани аниқлаш бўйича халқаро тергов ўтказишга ёрдам бериш мумкин. Йўқ, биз улар Ойга учмаганлар демаяпмиз, фақатгина у ерда кино олинганига шубҳа билдиряпмиз. Бироқ бу барча илмий, маданий артефактлар бутун инсоният бойлиги ҳисобланади ва уларнинг йўқолиши бизнинг умумий йўқотишимиздир. Тергов эса ҳаммасига ойдинлик киритади”, деб айтди Маркин.
2009 йилда НАСАнинг расмий вакили 45 та ғалтак плёнкадан иборат Ойга АҚШ фазогирлари қўнишининг илк асл видеоёзуви йўқолганини эълон қилганди. Бу “Ой фитна”си назарияси тарафдорларининг АҚШнинг Собиқ иттифоқ билан коинотни забт этиш учун пойгада Ойга қўниш бўйича экспедицияларининг барча ҳужжатлари сохлаташтирилгани ҳақидаги даъволарининг яна бир исботи бўлди.