Парижда 33 йил аввал яҳудийлар квартали марказидаги дўконда содир этилган терактнинг эҳтимолий ташкилотчиси Иорданияда қўлга олинди, деб хабар бермоқда Associated Press ахборот агентлиги.
Иордания ҳукумати суд ушбу гумондор шахс – Сухар Муҳаммад Ҳасан Халил ал-Аббосийга нисбатан унинг экстрадицияси ҳақидаги қарор қабул қилинмагунча хорижга чиқишини ман қилиб қўйди, деб маълум қилди. Ал-Аббосий француз полицияси қидираётган портлашни уюштиришда гумон қилинаётган 3 нафар шахсдан бири эди. Яна икки гумондор шахс тахминларча Фаластин ва Норвегияда қолмоқда.
Маълумот учун, 1982 йилда Парижда Жо Голденберг исмли яҳудийга тегишли дўконга ҳужум қилиниши оқибатида 6 киши, жумладан 2 нафар АҚШ фуқароси ҳалок бўлган ва 22 киши яраланган. Босқинчилар дўкон биносига аввал бир нечта граната улоқтириб, кейин пулёмётдан ўт очишган.