Охирги маълумотларга кўра Ер юзидаги энг кекса ёшли одам бўлиб турган Жералин Тэлли 116 ёшида оламдан ўтди. Бу ҳақда Ассошейтед Пресс нашри хабар берган.
АҚШда яшаган бу афроамерикалик аёл апрель ойида Гертруда Уивернинг вафот этишидан кейин сайёрадаги энг кекса аёлга айланганди.
У 19 асрда туғилган ва ҳозиргача яшаётган 3 кишининг бири эди.
Эндиликда 19 асрда туғилган ва ҳозиргача яшаётган яна 2 киши қолди. Уларнинг нисбатан каттароғи, америкалик Сюзанна Мушатт Жонс 6 июль куни 116 ёшга тўлади. Яна бир италиялик аёл Эмма Морано-Мартинуцци ҳам 1899 йилда туғилган.