Яқин орада НАТО бош котиби Йенс Столтенберг Украинага ташриф буюриши мумкин. Бу ҳақда у УНИАН агентлигига берган интервьюсида маълум қилди.
“Мен Украинага сафар уюштиришни сабрсизлик билан кутмоқдаман, биз мос санани қидирмоқдамиз”, – унинг сўзларини келтиради агентлик.
Столтенберг Украина билан азалий сиёсий ва амалий ҳамкорлик тажрибаси мавжудлигини, НАТО-Украина комиссияси доирасида фаол мулоқот олиб борилганини таъкидлаб ўтди. Бундан ташқари, ислоҳотларни қўллаб-қувватлаш мақсадида яратилган ишонч жамғармалари борасида ҳам маълум муваффақиятларга эришилгани айтиб ўтилди.
