Зарафшон шаҳри суди 30 ёшли Шуҳрат Бойтўраев 5.5 йилга озодликдан маҳрум қилинди. Бу ҳақда “Ҳуқуқ” газетаси хабар бермоқда.
Айтилишича, у турли шахслардан 22 млн сўмдан ортиқ пул ундириб, ўз эҳтиёжларига ишлатиб юборган. Жумладан, тадбиркор Марғуба Нуриевадан “Автомобилларга метан мосламаси ўрнатадиган устахона очамиз” деган баҳона билан 13 млн сўм олган. Бошқа тадбиркор – Ботир Жовлиевдан эса 3 млн сўмлик компьютер жамланмаси, 1.5 млн сўмлик телевизор ва 400 минг сўмлик телефон олган.
Бундан ташқари, Муниса Саъдиевадан жами 4.4 млн сўмлик телевизорлар ва бошқа электрон ускуналарни олиб кетган.
Пулларини қайтариб ололмаган тадбиркорлар шаҳар прокуратурасига мурожаат қилган. Бунинг натижасида қаллоб қўлга олиниб, суд олдида жавоб берган.
