Apple компанияси Apple Music иловасида қўшиқларидан фойдаланилган хонандаларга пул тўланишини маълум қилди. Бу ҳақда компания президенти ўринбосари Эдди Кьюга таянган ҳолда Reuters агентлиги хабар бермоқда.
Илгарироқ хонанда Тэйло Свифт Apple’га ўзининг “1989” альбомини тақдим этишдан бош тортган эди, негаки компания дастлаб иловага уланишнинг синов муддатида қўшиқ муаллифларига пул тўлашни истамаган эди.
Свифтнинг фикрича, компаниянинг бу қарори ёш ижодкорларга оғир зарба бўлиши мумкин.
