АҚШ президенти Барак Обама ва мамлакат вице-президенти Жо Байден "нафрат жинояти" қурбони бўлган Чарльстондаги черков руҳонийси Клемент Пинкнининг дафн маросимида иштирок этишди. Бу ҳақда Рейтер хабар берган.
Қайд этилишича, давлат раҳбари йиғилганларга қарата нутқ сўзлаган.
Бироз олдинроқ, Обама марҳум руҳоний билан яқиндан таниш бўлгани маълум қилиганди.
Эслатиб ўтамиз, 18 июнь куни Жанубий Каролина штатидаги Чарльстон шаҳрининг қора танлилар ибодат қиладиган черковига 21 ёшли оқ танли Дилан Руф бостириб кириб, йиғилганларни ўққа тутган ва 9 кишини ўлдирганди. Клемент Пинки ўша қурбонлардан бири эди.