Тошкентдаги Сингапур менежментни ривожлантириш институти 2015/2016 ўқув йилида бакалавриат ва магистратура учун янги дастурларни ишга туширади. Бу ҳақда институт декани Венкатеш Наганатан маълум қилди.
Бакалавриат учун “Амалий туризм ва меҳмонхона менежменти” дастури ишга туширилган бўлиб, у Буюк Британиянинг Бангор университети томонидан тақдим қилинган.
Магистратура учун “Халқаро туризм ва меҳмонхона менежменти” дастурини Британиянинг яна бир олийгоҳи – Сандерленд университети тақдим этди.
Ушбу дастурларни битирган талабалар тилга олинган олийгоҳларнинг дипломларини олишга муваффақ бўлади.
