Google ҳаммуассисларидан бири Сергей Брин турмуш ўртоғи, 23andMe хусусий биотехнологик компанияси бош директори Анне Войжитски билан ажрашди. Бу ҳақда Wopular нашри хабар бермоқда.
Айни пайтда Брин ClearAccessIP патент компаниясининг асосчиси Николь Шанахан билан учрашиб юрибди. Жуфтлик 2015 йил ўрталарида Ямайкада турмуш қурмоқчи.
Никоҳ шартномасининг бекор қилинишидан сўнг уларнинг шахсий даромадлари кўрсаткичлари қисман ўзгаради. 2015 йили Бриннинг активлари 30 млрд долларга баҳоланган эди.
Айтилишича, жуфтлик амалда 2013 йилдаёқ ажрашиб бўлган. Ўшанда Брин Google Glass бўлинмасида ишлаётган Аманда Розенберг билан учрашиб юрганини тан олган эди. Кейинчалик уларнинг алоқалари узилди, лекин Брин рафиқасининг олдига қайтмади. Шу билан бирга, улар ён қўшни бўлиб қолмоқда.
