Голливуд жуфтлиги Жонни Депп ва Эмбер Херд бироз олдинроқ Австралияга олиб борган кучуклари туфайли муаммога дуч келишгани сабабли, бундан кейин "яшил қитъа"га бормасликларини билдиришди.
Бу ҳақда Эмбер Херд "Супер Майк XXL" фильмининг тақдимоти муносабати билан ўтказилган матбуот анжумани вақтида маълум қилган. У истеҳзо билан "баъзи сиёсатчилар"га "ўз миннатдорчилиги"ни билдирган.
Эслатиб ўтамиз, апрель ойи охирида Жонни Депп ва Эмбер Херд Австралияга боришганида икки зотдор итларини ўзлари билан олишган, лекин Австралия ҳукумати бу жониворларнинг ноқонуний йўл билан олиб кирилганини иддао қилгач, бу жуфтлик судга берилиш таҳдиди остида зудлик билан мамлакатни тарк этишга мажбур бўлганди.