АҚШнинг Детройт шаҳрида мудҳиш автоҳалокат содир бўлди. Полициядан қочаётган ҳайдовчи 112 км/соат тезликка чиқиб, назоратни қўлдан бой берди ва пиёдалар гуруҳига келиб урилди. Натижада иккита бола ҳалок бўлди, яна учтаси, шунингдек, битта ўрта ёшли одам жароҳат олди, деб хабар беради Associated Press.
Полиция жиноятчининг ортидан 75 сония давомида қувиб борди. Полиция машинаси анча ортда қолганидан сўнг ҳам жиноятчи тезликни туширмади, бунинг натижасида фожиа содир бўлди.
Машина тўхтагач, полиция унинг ичидаги икки кишини ҳибсга олди. Машинадагилардан бирининг қуроли бўлгани айтилмоқда.