Франция Ички ишлар вазири Бернар Казнёв Парижда UberPop каби хизматларнинг зудлик билан тақиқлаб қўйилиши ҳақида буйруқ берди. Бу ҳақда Associated Press ахборот агентлиги хабар бермоқда.
Бунга маҳаллий таксичиларнинг UberPop онлайн-такси хизматига қарши чиқаётганлари сабаб бўлган. Таксичилар норозиликларини билдириш сифатида Шарль-де-Голль ва Орли аэропортларининг бир нечта терминалларига келиш йўлларини тўсиб қўйишган.
Ички ишлар вазири онлайн-такси хизмати ҳайдовчиларига нисбатан зўравонлик қўлланилишига йўл қўйиб бўлмаслигини қўшимча қилиб ўтди.
“Биз барчани тинчлик сақлашга чақирамиз. Биз қонун амал қиладиган давлатда яшаймиз ва бу ерда зўравонликка ўрин йўқ”, деб таъкидламоқда Казнёв.