Европа Иттифоқининг хорижий ишлар бўйича кенгаши 22 июнда Европа Иттифоқининг Марказий Осиё бўйича стратегиясининг амалга оширилиши бўйича хулоса қабул қилди. Бу ҳужжатда ЕИ ва Марказий Осиёнинг 5 та давлати орасидаги муносабатларнинг устувор томонлари белгиланган. Стратегия 2007 йилда қабул қилингандан бери, ҳар икки йил Кенгаш ҳужжатнинг амалга оширилиши ҳолатини кўриб чиқади ва шунга кўра устувор йўналишларни янгилаб боради. Кенгаш хулосаси минтақадаги давлатлар ва бошқа жалб қилинган давлатлар ва ташкилотлар томонидан кенг муҳокама қилингандан кейин қабул қилинади ва ЕИнинг Марказий Осиё бўйича стратегиясининг янги йўналишларини белгилайди.
Берилган сўнгги хулосаларда ЕИнинг минтақадаги ҳар бир давлат ва умуман минтақа билан икки томонлама муносабатларининг ривожланишидаги катта силжиш кузатилаётгани қайд қилинди ва ЕИ ва Марказий Осиё ўртасидаги сиёсий ва иқтисодий ҳамкорликни кенгайтиришда икки томонлама қизиқишнинг борлиги таъкидланди.