Москва метросидан фойдаланиш қоидалари рўйхатига тиланчилик билан шуғулланишни тақиқловчи банд киритилиши мумкин, деб хабар бермоқда “Москва” янгиликлар агентлиги.
Тегишли қарор лойиҳасини шаҳар ҳокимияти кўриб чиқиш учун киритди. Ҳужжатда Москва ҳукуматининг 844- ва 974-сонли қарорларининг “метро ҳудудидаги тақиқловлар қисмига ўзгартиришлар ва Москва монорельс транспорт тизимида тиланчилик билан шуғулланишга тақиқлов киритиш” таклиф қилинмоқда.
Бундан ташқари, метро вагонларига эшиклар ёпилиши эълон қилиниши пайтида киришни тақиқловчи қоидаларни тасдиқлаш таклиф қилинмоқда.
Аввалроқ тиланчилик билан шуғулланишга жарима солишга қарор қилинганди, бироқ метронинг ички қоидаларида бу тақиқлов белгиланмаган эди.