Тунисда содир этилган қўпорувчилик оқибатида камида 30 нафар британиялик сайёҳ ҳалок бўлди. Бу ҳақда Sky News телеканалининг материали орқали хабар қилинди.
Айни пайтда 15 нафар британияликнинг ҳалокати ТИВ томонидан тасдиқланди. Расмийларнинг таъкидлашича, ушбу сон яқинда ўсиши мумкин.
Айни пайтда, маҳаллий ОАВ британиялик сайёҳлардан 23 нафари ҳалок бўлганини маълум қилишган эди.
Эслатиб ўтамиз, жума куни Туниснинг Сус шаҳрида Rue Imperial Marhaba меҳмонхонаси пляжида ётган одамларга қарата номаълум шахслар томонидан ўт очилган эди. Натижада 39 киши ҳалок бўлди, ўнлаб одамлар жароҳат олди.
