2014 йилнинг декабрида Ява денгизи ҳудудида ғойиб бўлган AirAsia Indonesia авиакомпаниясига тегишли самолёти бортида бўлганлардан 10 нафарининг оила аъзолари АҚШда йўловчи ташувчи Air Asia ва самолёт ишлаб чиқарувчи Airbus компанияларини судга берди. Бу ҳақда The Straits Times нашрида ёзилган.
Америкалик ҳуқуқшунос Флойд Визнернинг ҳисоблашича, Air Asia компанияси муаммолар ҳақида билган.
"Улар бундай техник муаммоларни билган ва уларни бартараф қилиш учун ҳеч қандай ҳаракат қилишмаган ҳамда ҳеч кимни огоҳлантиришмаган", дейди Визнер.
Унинг қўшимча қилишича, ҳалокат қурбонларининг қариндошлари даво аризасида кўрсатилган маблағнинг ярмига камайтирилишига ҳам рози.
Эслатиб ўтамиз, 2014 йилнинг 28 декабрь куни Малайзиянинг Air Asia авиакомпаниясига тегишли Airbus A320-200 самолёти Cингапурнинг Сурабаи шаҳридан ҳавога кўтарилган ва кўп ўтмай радарлардан йўқолиб қолганди. Самолёт бортида 162 киши бўлган. Самолёт қолдиқлари Ява денгизининг Калимантан ороли яқинидаги қисмидан топилганди.