Норвегиялик 92 ёшли аёл қариялар уйидан қочиб кетди. Рус ОАВларининг хабар беришича, аёл севган инсонининг олдига кетиб қолган.
Дастлаб аёлни анча вақт қидиришди, у “йигити” билан Швецияга кетгани маълум бўлгач, қидирув ишлари тўхтатилди.
Осло шимолидаги қариялар уйи ҳамширалари автотураргоҳ яқинида ҳасса-таёқларни топиб олишган, шундан сўнг маъмурият дарҳол полицияга мурожаат қилган. Суриштирув жараёнида кекса аёл 87 ёшли севгилиси билан Стокгольмга етиб боргани аниқланди.
Аёл севган инсони билан Стокгольмда 10 кун турди.