Буюк Британия қироличаси Елизавета II 90га тўлиши муносабати билан уюштирадиган издаҳомга 10 минг кишини таклиф қилди. Шу тариқа, бу Бирлашган Қиролликда ёзилган энг катта дастурхон бўлади, деб ёзади The Times газетаси.
Тадбир кейинги йилнинг июнида ўтказилишига қарамай, тайёргарлик ишлари бошлаб юборилди. Қиролича 21 апрель куни туғилган, аммо расман унинг туғилган куни июннинг биринчи, иккинчи ва учинчи шанбасида нишонланади.
Биринчи шанбада туғилган кун оила даврасида нишонланса, иккинчи шанба куни у умумдавлат миқёсига кўчади.
Режага биноан, столлар Мэлл кўчаси бўйлаб 1 км масофага териб чиқилади. Ташкилий ишларга қироличанинг катта набираси Филлипсга тегишли Sports & Entertainment Ltd (SEL) компанияси раҳбарлик қилади.
