Пикап ва йўнтанламаслардан ғилдираклардаги автоном уйлар яратиш билан шуғулланувчи АҚШнинг EarthRoamer ательеси XV-HD деб номланувчи янги моделни тақдим қилди. Ушбу модель иккита кабинали Ford F-650 пикапи негизида яратилган бўлиб, 920 минг долларга баҳоланди.
Янги “ғилдираклардаги уй”нинг узунлиги 10,6 м, эни 2,59 м, баландлиги 3,96 метрни ташкил қилади. XV-HD турар жой ҳудуди ўлчами маълум қилинмаган. Фургонда 8 киши жойлаша олади, ётоқ жойлари 6 кишига мўлжалланган.
Автомобилнинг турар жой ҳудуди ошхона, музлатгич, кондиционер ва иссиқлик таъминоти, сув учун идишлар ва сув иситгич билан жиҳозланган. Мижоз қўшимча ҳақ учун кир ювиш машинаси ва қуритгичга буюртма бериши мумкин.
Фургоннинг электр тизими таъминотни қуёшдан қувватланиши мумкин бўлган аккумуляторлар мажмуасидан олади. Бундан ташқари, фургон армияга мўлжалланган йўлтанламас автомобилларга хос 117 см.ли ғилдираклар билан таъмирланган.
XV-HD капоти остида 330 от кучига эга PowerStroke оиласининг 6.7 дизель мотори жойлаштирилган. Двигатель 6 поғонали TorqShift автоматик узатмалар қутиси билан жуфтликда ишлайди.
Модель 2015 йилнинг охиридан бошлаб ишлаб чиқарилади.